Sagitarius

Member since	: 21 Apr 2011
Last login	: 20 May 2012 01:37
Level	: 2
Points	: 340

G+ :-

Ki ban cauchemar ton dja fr?
Anfet depi enn long comb ki fer enn lapant [kapav dir enn tobogan] apepre 24 pie + 2 letaz. Oter vertikal 9 met me lor la pant la mo lekor inn akseler plis ki si mo ti tom depi 3 letaz e mo'nn pil lor enn ros plis ki 50km/h. Mo colonn vertebral inn kase me zot inn vis so bann bout.
Il pare ki bann vis la an titann. Rezilta: mo kapav dir mo'enn cyborg aster.
Kan kolonn vertebral kase geyn enn duler plis ki 1,000 fwa pli intans ki malad ledan u zorey. Mo turv sa drol mo'nn sirviv sa: ena dimun glis lor marb dan zot lakaz, zot mor.

yash_ash | 19 May 2012 15:12

Ki ban cauchemar ton dja fr?
Kan mo ti zanfan ti'ena enn kosmar ti revinn souvan: mo ti pe grinp lor enn lesel extra long dan l'obskirite e kan mo'ariv laho lesel la kumans tombe. Inn geyn 4an mo tomb depi trwa letaz me mo pa kwar sa ena kik lien ar sa kosmar la.
Bann rev/kosmar pa tuzur ena enn sinifikasion.

yash_ash | 19 May 2012 11:29

Eski li posib edit ortografi enn lartik ki'nn deza pibliye?
Mersi pu piblikasion nuvo version avek ortografi corize sa lartik la. Mo ena de lartik u- kapav dir- enn lartik an de parti lor langaz Kreol zisteman.
Mo pu anvoy twa li par emael mem, to chek enn ku.

Sagitarius | 19 May 2012 01:18

Eski sa projet metro leger la pou lancer mem dan moris sa?
Proze metro leze ant Curepipe ek Port Louis se enn lelefan blan.

Li pu dimen buku plis terin e buku plis kas par kantite pasaze li sarye ki enn sime koltar.

Normalman enn trein la pu kapav amenn mem kantite pasaze ki 3 u 4 bis,

Si fer enn sel laliyn pu bizin met enn sel train fer navet lor la.

Si met de laliyn kapav met plis train me pu bizin de fwa plis terin pu laliyn,

Pu fer enn trein retun kot li sorti bizin swa lev li laho, vir li, repoz li lor rel uswa servi bann diferan method ki zot tu bizin bann lespas bien larz.
Pu vir enn trein longer 4 bis bizin enn lespas apepre 2 fwa lagar Victoria. Lespas pu servi pu zis vire, lagar pa ladan. Dan Curepipe kuma dan Port Louis pu geyn difikilite pu turv terin pu sa.

Vomie met plis bis. Kapav fer enn sime bis ki rant Port Louis par lenor [Montayn long] Kapav met bann bis artikile lor la.

gices | 18 May 2012 12:14

Eski kikenn conn enn moyen pu met paragraf dan enn dokiman [docs] lor enn group Facebook?
Wep, de retour. Mo'espere pu osi souvan ki avan.

Mo abitie pez Shift+Enter pu fer paragraf me sa pa marse ar bann Docs Facebook. Etan ekrir Shift+Enter met paragraf me etan pez Enter pu pibliye geyn enn sel text san paragraf.

Sagitarius | 17 May 2012 12:23

Eski ban garson morisien prefer ban tifi clair?
Bann afro-ameriken bann zom nwar e laplpar fam kler. Mo turv sa ridikil. Me kuma zot pe servi sa bann lakrem eklersisan la san problem mo sipoze bann seki vande an Amerik bon.
Sinon ena bann lezot prodwi ki apre plizier lane servis fer lapo vinn bouton-bouton kuma kalbas.

Madeleine_Stella | 17 May 2012 11:09

mon envi koner ki groupe sanguin mo eter?
Al donn disan. Sa kav ed pu sov enn lavi e zot pu fer twa cone ki to group premie fwa to donn to disan. Pa geyn dimal e to santi twa pli leze apre.

Iron_Man | 17 May 2012 10:58

kifer ban grand santer santez european zame vin fer concer dan moris?
Dan Moris zot pa kuver fre. Apre sa bann Morisien inpe kwinse, kan zot al conser, zot res kuma stati, zot ferm zot labus, zot get santer la fix, e zot per zot lame fermal si zot tro aplodi. Enn santez [Jocelyne Beroard/ grup Kassav] inn deza dir bann ki ti vinn so conser "Si zot anvi dormi, return zot lakaz" Plito brit, me mo compran li. Akoz sa osi zot pa vini.

Baboo | 02 Sep 2011 22:31

Kulev kieter sa? Enn serpan ki pa morder?
Kot mo reste [Wooton] aster kulev inn rar, me lontan zo ti rant dan lakaz pu manz lezar. Monn deza trap zot par licou pu met deor. Parti kot mwa ankor ena, mo sipoze akoz mo plant banann.Pli gro kulev mo'nn turve ti fer apepre trwa pye e so diamet ti inpe mwins ki enn coyn sinkant sou.

gices | 02 Sep 2011 22:28

Felicitation Sagitarius! To Nivo 2 (Level 2 user) aster
Mersi, mo espere ki bann repons ki mo'nn ofer inn ede; mo espere osi ki ankor plis dimun pu vinn lor sa sit la pu rod bann informasion itil pu zot e ki bann seki ena repons pu kestion ki'nn poze pa pu hezite pu partaz seki zot cone.

gices | 30 Aug 2011 01:03

Eski pa ti bizin ena enn 'Junior Certificate' dan nu system l'edikasion?
Mank enn i dan kestion la [l'edikasion]. Sa agas mwa sak mo turv sa; eski to capav edit sa?

Sagitarius | 29 Aug 2011 21:00

Kuma pou fer pou pren imper groser?
Mo pa ti pe fer miskilasion pu 'Bodybuilding' competision, me pu 'Keep Fit'.

Se enn madam anfet, ki ti recomann mwa sa, e mo ti pran sa zisteman akoz sa. Mo ti'ena tro buku mefians anver seki bann sportif dir mwa pran e zame mo'nn tus seki zot servi.
Sa madam la ti pran sa, kan li ti vinn tro meg apre enn long maladi.
Ena osi bann zafer ki bizin evite: zi pamplemus, tro buku cafe....

Baboo | 29 Aug 2011 20:54

Ena fason pou evit gagne larousol?
Depi bien lontan. To pa pu rapel ki'nn fer li ar twa, parski li fer parti enn seri vaksin ki fer ar tibaba- kont polio, laruzol, etc. Ena osi vaksin kont tetanos, me sa mo kwar zot fer pli tar, kan to al lecol primer.

gices | 26 Aug 2011 09:44

Kuma pou fer pou pren imper groser?
Seki mo'nn propoze la [Wate-on] li plito enn fortifian. Fode pa confonn sa avek bann steroid anabolizan, ki bizin evite absoliman. Mem bann sportif profesionel ki dope evit bann anabolizan [ki ena lefe transsexwel] aster.

Bann vitamin esansiel pu lecor fonksionn bien, me zot pa fer pran groser.

Baboo | 25 Aug 2011 21:59

Mo pa kone nager, eski mo kapav faire scuba diving?
Mo pa conn naze me mo al ase lwin ar snokel u an apne. Mo sipoze li parey pu scuba.

anonymous | 25 Aug 2011 21:47

Ki diference ena entre "loan" ek "loan out" en anglais?
Loan se prete, pret larzan,l'ekipman, materio,etc. Loan out se pret enn servis, enn talan. Li pa consern bann zafer me bann dimun. Kuma bann futborler, santer, danser, etc ki capav pas par enn azan pu 'loan out' zot bann servis.

Par examp, enn santer apel Zoli Lavwa, capav fond enn companyi apel Azans Zolav, ki li dirize li mem. Si ou anvi fer enn conser,ou contacte Mr Zoli Lavwa, Directer Azans Zolav ki pu loan out santer Zoli Lavwa ar ou.

anonymous | 25 Aug 2011 21:39

Ena fason pou evit gagne larousol?
Laruzol, Rubeol ek Oreyon se trwa maladi kuzin, ki provoke par bann virus e sel prevansion se vaksin. Enn sel vaksin RRO protez kont tuletrwa. Dan Moris ena enn program vaksinasion zanfan ki mo kwar inklir RRO. Kan maladi la kumanse li capav pas pu enn simp lerhim, me li buku pli grav e li atak zorey ek poumon. Bann buton ruz aparet lor figir ek inpe partu lor lecor. Dan 1 ka lor 1000 li osi atak cervo e lerla li provok bann handicap mantal u lamor.

Rubeol- ki certen confonn avek laruzol- mwin grav: normalman li pase trwa zour. Me si enn fam anceint geyn sa, li pu transmet li ar tibaba dan zot vant. Enn zanfan ki'nn atrap rubeol dan vant so mama, capav ne surd, aveg, u cardiak. Bann domaz ki li sibir permanan, pena okenn tretman. 10% sa bann zanfan la mor avan geyn enn an. Nomamalman dan Moris l'az 13 an [form 1 u form 2], bann tifi geyn enn vaksin kont rubeol. Kan enn fam anceint tro tar pu fer RRO; tu fam bizin asir zot, ki zot pena risk atrap rubeol.

-Li probab ki oreyon ena enn lot nom Kreol ki mo pa cone. Kuma pu rubeo,l adilt osi capav atrap. Kan geyn sa capav vinn surd uswa/ ek steril.

gices | 25 Aug 2011 21:16

Kuma fer lasos lail pou mange ek mine frir?
Enn tigit mem bizin mete, lay deza ena tandans vinn dou.

gices | 24 Aug 2011 17:27

Eski capav ena erer lor Wordpress so bann cont vizit?
Blog Stats se enn bann widjet ki ena dan bann them Wp. Zordi dan mon mael anons mwa ki ena 3 Like lor enn lartik; etan mo'al chek enn ku, mo turv 3 Like la me sif vizit pa'nn sanze. Seki confrm ki sa widjet la so sif fos.

La,deswit la mo pa pans aste mo domain name, me ziskala fin sa l'ane la mo pu get enn ku.

Sagitarius | 24 Aug 2011 17:23

Kuma pou fer pou pren imper groser?
Lontan mo ti frekant enn klib bodybuilding [pu res fit, pa competision] Mo ti plito mins kan mo ti kumanse e pu pa vinn tro sek [seki danzere] mo ti pran 'Wate-on' pu pran groser. Mo pa cone si sa ankor vande.

Baboo | 24 Aug 2011 01:08

Eski li posib edit ortografi enn lartik ki'nn deza pibliye?
Apre sorti Diksioner Morisien mo ti reget manier mo ekrir Kreol e mo'nn sanz enn-de zafer. Ena enn lartik ki mo'nn poste isi e mo ti le fer enn bann modifikasion zis lor ortografik lor text la pu rapros li ar Kreol Akademi Kreol Morisien.
Si pena obzeksion mo kapav anvoy enn text modifie par emael ki lerla kapav copie-cole avan efas lot la. Bann modifikasion pu port sirtu lor enn bann y ki pu ranplas par i ek enn bann u par ou

Sagitarius | 17 May 2012 12:15

Eski kikenn conn enn moyen pu met paragraf dan enn dokiman [docs] lor enn group Facebook?
Mo'nn ekrir li direk lor Facebook, mo'nn prepar li ar enn text editor, dan tulede ka parey: etan pibliye li bann lespas paragraf disparet e geyn enn text avek tu fraz cole ki pa telman lizib.

Sagitarius | 17 May 2012 11:38

Eski ou panse test ADN enn zafer vreman fiab?
Test ADN pli teknik, pli sofistike ki tir l'ampreint. Me mo panse li osi pli fasilman falsifiab. Mo panse enn dimun capav colecte ADN enn kikenn ki li anvi inkrime e plas sa kot li anvi.

Sagitarius | 02 Sep 2011 22:51

Ki cote Larivier Tanie [Larivier Latanie?] turve?
Ena enn version pli modern ki'nn fer bliye ler sa bersez la, ki premie sante an Kreol, mo kwar. Eski sa larivier la existe vreman?

Sagitarius | 02 Sep 2011 22:40

Eski pa ti bizin ena enn 'Junior Certificate' dan nu system l'edikasion?
Sa mo kwar ti pu itil pu bann ki'nn bizin kit colez apre form 3 [par examp, akoz enn mortalite dan fami] Actwelman bann ki dan sa ka la ena zis certifika CPE. Enn J.C. ti pu permet zot swiv enn kur vokasionel ou sey prepar enn S.C. plitar.

Sagitarius | 22 Aug 2011 14:19

'Tok Maria' kot sorti e ki lezot nom li ena?
Tok Maria aster li pli rar, dimun servi li zis kuma 'rafresi' Me lontan ti bwar sa suvan, pa ti fer alouda ar lamus. Ki so peyi l'orizinn e eski li ena enn lot nom?

Sagitarius | 22 Aug 2011 13:44

Kifer gato piman apel kumsa si li fer ar dal?
Sa gato ki fer ar piman la kuma bizin apel li. [mwa mo dir: donn mwa de 'sa']

Sagitarius | 22 Aug 2011 13:35

Eski capav ena erer lor Wordpress so bann cont vizit?
Mo'nn arive geyn bann comanter spam lor mo blog san ki mo bann 'blog stats' buze. Eski ena bann viziter ki statistik Wp pa conte? Uswa ena enn lot l'explikasion?

Sagitarius | 18 Aug 2011 21:05

L'azans spasial Indien oper enn stasion La Brasserie [Curepipe] Ki fer laba?

Sagitarius | 03 Aug 2011 02:20

Ki diferans ena ant enn Ners ek enn 'Sister?
Dan l'hopital ena enn bann ners[nurse] ki met uniform avek zepolet ek lezot parman [normalman kuler ble]; pu adres zot dimun dir 'Sister'. Ki diferans ena ant sa bann la ek lezot ners, e kifer apel zot Sister?

Sagitarius | 03 Aug 2011 02:16

Eski Ubuntu detecte otomatikman modem Internet San-fil?
Actwelman mo pe servi [orange] adsl, me resaman li'nn kumans degrade. Bann vites dawnlod capav desann ziska 5kb/s e parfwa pa geyn okenn coneksion 5-6 her-d-tan. Mo pe mazinn pu tir adsl e sey lot system coneksion me mo'nn abitie ar ubuntu aster mo pa le sanz system operasion.

Sagitarius | 17 Jul 2011 21:13

Apar dimansion lekran, ki diferans ena ant enn laptop ek enn netbook?
Eski ou capav administre enn blog apartir enn netbook? Eski ou capav dual-boot enn netbook? Eski capasite RAM ek lespas lor [hard u flash?]drayv corek?

Sagitarius | 19 Jun 2011 20:52

Komie letan minimom ou capav servi enn laptop avan bizin resarze?
Mo pe pans aste enn laptop si so sarz capav tini lontan: omwin 6hr-dtan. Mo ti contan komie letan li pran pu resarz net.

Sagitarius | 19 Jun 2011 20:39

Aster ki manier corek pu deziyn enn kamwad tifi/fam?
Lontan ti dir 35, mo prefere se buldu, me apre inn bann term kuma 'minn' ki mo turv inpe degradan. Mo pa cone ki term pli itilize aster?

Sagitarius | 19 Jun 2011 20:27

Eski zwazo pik-pik ankor existe?
Mo rapel kan mo ti tipti sa bann zwazo ti contan vizit bann terin vag Curepipe. Sa zwazo la li tipti, apenn pli gro ki enn bul pingpong, li gri kler, ron e eburife kuma enn ti-pusin.
Zot al par grup 10-12, zot anvol ba (zame mo'nn turv zot anvol plis ki 7-8 pie oter)Zot pa farus ditu:ou capav coste ase pre pu trape, zis kan ou anvoy lame ki zot deplase al 1 u 2 pie pli lwin.
Kan moti zanfan mo ti turv zot fasinan. Mo ti rod may cardinal, conde tusala, pu met dan lakaz-zwazo, me zame mo'nn anvi may pik-pik, kitfwa akoz sa confians naiv ki li ena ar dimun la.
Capav ena venn-sink an mo pa'nn turv enn trup pik-pik, eski ou'nn turv sa resaman?

Sagitarius | 18 Jun 2011 00:47

Eski capav manz angi lamer?
Angi lariver suvan mo'nn al lapes. Me kan nu lapes lamer ar kamwad si angi pran lamson, nu zet angi la nu sanz lamson

Sagitarius | 10 Jun 2011 18:26

Ki oter sa stati zean ki ena Gran Basin la?
Stati la reprezant Shiva mo sipoze.

Sagitarius | 10 Jun 2011 18:14

Kifer docter ek sekirite sosial defini enn paraplezik kuma incapasite a 60%?
Eski li zot cont pursantaz lekor uswa pursantaz fonksion lekor? Enn dimun ki'nn perdi enn cote lazam uswa enn lebra ki so pursantaz incapasite?
[Enn dimun incapasite a 100% mo sipoze enn dimun mor sa!]

Sagitarius | 10 Jun 2011 18:01

Ki fri ek legim dorizinn Afrikin ou cone?
Mo conn zis melon, tamarin, bred murum,lalo ek angiv. Bred martin osi mo kwar, me mo pa sir. Long brinzel sorti l-Azi; ena enn variete brinzel ron, kuler blan (ki'nn donn brinzel so nom Angle egg plant)me zame mo'nn turv li Moris. Eski sa mem tu fri ek legim ki ena l-Afrik?

Sagitarius | 10 Jun 2011 17:47

Eski pu ekrir enn fraz ar font gra *(bold)* mo met de * lor kumansman fraz la ek ankor de alafin?
Uswa bizin fer sa mo par mo? Kestion la inpe bet me mo'nn deza zwenn ar enn bann program pa tro lozik lor enn de sit.

Sagitarius | 09 Jun 2011 01:45

Eski bann hormonn krwasans ar lakel tret volay capav afecte krwasans himin?
Sa bann hormonn la ase pwisan: bann pul lakur pas ar kuto apre plis ki enn an, dan lelevaz indistriel zot fer abataz pul lor de moa apepre. Li paret ki sa bann hormonn krwasans res actif ziska de moa apre abataz. Eski sa ena lefe lor himin? Eski akoz sa ki dan Moris parfwa turv bann tifi 13an ki capav pas pu fam 31an?

Sagitarius | 09 Jun 2011 01:12

Eski pa ti bizin tir cart idantite laz 16an ?
Laz consantman sexwel li 16an. Ledikasion, mo bien kwar obligatwar ziska 16an. Pa geyn drwa anploy miner mwins ki 16an(uswa 15?)
Si dan lalwa Moris ena bann interdiksion ek bann obligasion pu bann mwins ki 16an kifer pa tir cart idantite sa laz la?

Sagitarius | 06 Jun 2011 10:31

Kot capav geyn lank printa bomarse uswa fer rifil kartus la?
Enn printa kut apepre Rs2000. Kan aste li geyn inpe lank pu capav servi li. Mo kartus lank etan mo'nn ranplas li inn kut Rs1200. Mo kartus kuler pre pu fini, dapre seki mo tande li pli ser ki lank nwar. Aster mo lank nwar osi pe fini: li'nn al mwin lontan ki lank ki mo ti genye ansam ar printa la! Donc, kan lank fini li pli economik si mo zet printa la, mo aste enn lot. A mwin ki ena enn plas kik par kot lank pa kut plis ki printa+lank.U kot capav fer rifil bann kartus lank.
Eski kikenn cone kot capav turv sa? (de preferans parti Curepipe, me kan mem ki cote)

Sigzesyon: Li pa tro evidan dan ki kategori pu met sa kestion la. Kitfwa ti bizin ena kategori 'Ladres itil' u 'Karne ladres'.

Sagitarius | 03 Jun 2011 12:22

Eski dan Moris capav geyn bissap ?
Bissap enn nespes dite Afrikin ki considere kuma labwason nasyonal Senegal me ki consome ziska dan Congo. Li sipoze mwin exsitan e meyer pu lasante ki dite. Li fabrike a partir enn varyete hibiscus, e conn li osi kuma 'the rose' u 'the rose Afrikin'. Eski li mem zafer ki rooibos Sid Afrikin ? Eski geyn li dan Moris ?

Sagitarius | 25 May 2011 22:01

Kot capav geyn enn copy rapor Akademi Kreol Morisyen ?
Mo pe tann dan linformasyon ki AKM finn sumet Minister lEdikasyon zot rapor final pu ortografi ek gramer Kreol Morisyen. Kot piblik pu capav geyn enn copy? Eski pu capav geyn li onlayn? Mo pe interese conn sa akoz mo ekrir buku an Kreol e actyelma mo pe reedit ortografi ki'nn deza pibliye. Aster mo ti anvi conn bann diferans ar grafi AKM pu pa bizin reedit ancor[enn zafer ki mo pa kwar mo pu fer: mo'nn deza poste tro buku lartik]

Sagitarius | 25 May 2011 21:28

Kuma fer enn propozisyon maryaz ?
Mo panse sa mem gran defo langaz Kreol. Zame mo'nn resi turv enn formil corek an Kreol pu dir sa ! Pena nanye, mo kwar, dan styl: Will you marry me? u Veux tu m'epouser?

Sagitarius | 21 May 2011 12:49

Kan inn geyn tro buku kestion kuma mo cone ki kikenn pann deza poz mem kestion ?
Kan inn geyn, dizon, 50 paz mo pa pu chek tu sak fwa mo ena enn kestion.

Sagitarius | 19 May 2011 23:12

Kuma capav met enn lartik lor sa sit la ?
Ena enn ti lartik mo ti pe pans pu met isi plito ki lor mo blog me mo pann turv okenn pad kot capav sumet enn lartik.

Sagitarius | 19 May 2011 23:00

Si letan mo pe naze Belle Mare. geyn enn alert tsunami, eski mo pu capav ras lavi ?
Seki mo'nn tann dir etan vag tsunami la rant lor lakot li capav kraz ar enn vites ziskka 400 km/hr . Mem enn Porsche[u enn Aston.Martin] pa kapav fer sa vites la . Alor mwa an Speedo, disel dan lizye , serviet dan lame , nat lor zepol mo pli pa pu capav . Eski enn system alert tsunami vreman ena kik itilite ?

Sagitarius | 12 May 2011 13:08

Eski mo geyn drwa met enn zimaz Aapravasi Ghat ki mo'nn dawnlod lor enn blog ?
Mo ti le poste enn lartik depi inpe lontan lor Aapravasi Ghat . Mo'nn turv inpe lor Internet me li pa kler si ena copyrayt lor la . Li pa vo lapenn mo ekrir lor sa size la si pa met enn foto . Mo panse laplipar mo bann lecter abitye pa pu interese ar sa size la si ena zis text .

Sagitarius | 11 May 2011 22:47

Eski mo geyn drwa poste enn zimaz 'Creative Commons' ki mo'nn pran lor enn lot sit ?
Mo ti le ekrir enn de lartik lor Later , Lalinn , Soley ek bann planet dan nu system soler . Mo ti turv enn foto Later ki'nn pran depi lor Lalinn . Lor sa foto la zis lamwatye Later vizib e Moris zis dan sant sa parti vizib la . Mo'nn dawnlod li me mo pa pe turv li lor bann repertwar foto NASA . Mo pa'nn gard ladres sit kot mo'nn pran foto la . Mo le absolima kumans mo seri lartik ar sa foto la . Mo cone li bizin dan 'Creative Commons'si NASA ki'nn pran li me kuma mo'nn dawnlod li lor enn lot sit mo pa cone ki referans pu mete .

Sagitarius | 11 May 2011 22:32

Kuma fer buton 'Read More' vinn 'Lir Laswit' lor Wordpress?
Mo'nn kumans enn sit inn geyn kat sink moa . Avan mo ti pans fer li an Angle ek Kreol , me apre mo'nn desid pu servi zis Kreol . Mo ekrir bann ase long lartik e sa ti pe fer mo paz uvertir vinn tro long .
Mo'nn kup enn bann lartik ar buton *Read More* ('Continue reading' anfet)me turv sa fer tas lor mo blog e mo ti le ranplas li par Lir Laswit . Kuma mo kapav sanz sa ? Aparama bizin al regle sa lor php ,index.php : bann zafer kumsa .Wordpress so lexplikasyon pa kler.
Mo kwar dayer ki mo kestion ti bizin : Kot turv php? Parski normalma mo conn debriy mwa tusel enn fwa ki mo cone kot pu kumanse . Mo pena okenn formasyon lor kompyuta . Mo'nn zis aste enn pc e mo'nn kumans servi. Mo tia contan geyn enn lexplikasyon ki kumans lor kumansman e pa omilye .

Sagitarius | 11 May 2011 21:55

Eski si mo apran bhojpuri mo capav conpran hindi ?

Sagitarius | 10 May 2011 21:10

Kuma kapav met enn zimaz avatar lor sa sit la ?
Sa latet kare la mo geyn li margoz net !

Sagitarius | 06 May 2011 14:09

Kifer pena fam zoke dan Moris ?
Si mo'nn remark bien ena de fam palfrenye aster lor Champ de Mars .

Sagitarius | 03 May 2011 20:51

Ki fer ar suval kan zot karyer hipik fini ?
Eski anvoy zot labatwar ?

Sagitarius | 03 May 2011 20:47

Ki bann elever hindu / vezetaryen fer ar bann vas ki nepli donn dile ?
Eski zot nuri sa bann vas la ziska zot lamor natirel ?

Sagitarius | 03 May 2011 20:44

Eski Akademi Kreol Morisyen ena enn batima-siez ?
...uswa li zis enn komite ?

Sagitarius | 03 May 2011 20:30

Eski radar meteo , ki Trou aux Cerfs , nepli servi ?
Mo turv bann linformasyon ki meteo done baz sirtu lor zimaz satelit . Alor radar la , ki arive , pe ruye ?

Sagitarius | 03 May 2011 20:23

Ki ete enn sathwa ?
Ena lontan [25-30an] ti ena de ton Dev ek Samba pe travay ansam ar mwa e enn zur zot ti pe koz sa ar mwa e zot ti pe dir: sa si ou manz enn gramatin ou kapav tini enn zurne ! Seki mo ti kompran li ena form unnde e ena plizier sereal ladan . Ena enn de semenn mo'nn tann enn bann vye dimun pe koz sa lor MBC . Ki bann ingredian sathwa e kuma prepar sa ?

Sagitarius | 02 May 2011 01:38

Enn golet ki distans sa ?
Bann planter sirtu ki servi sa . Me zot golet pa parey: parfwa li apepre 9 pie ,e parfwa li dan le 12 pie . Eski ena enn longer exact pu enn golet ?

[Mo pa tro sir dan ki kategori pu poste sa]

Sagitarius | 02 May 2011 01:21

Eski lampul ekonomik kontenir bann produi toxik ?
An fet dapre seki mo'nn tande lor TV [Franse] repons la wi , me seki mo ti le kone se : si enn lampul kase ar ki produi nu pe geyn zafer e ki so degre toxisite ?

Sagitarius | 02 May 2011 01:07

Eski Bizin Aprann Kreol
Sa lane la Kreol inn introdwir dan lekol primer. Ti'ena e ankor ena bann dimun ki sceptik lor sa mezir la. Kifer zot pa dakor ar anseyman Kreol.? Nu get bann obzeksion ki buku dimun ena: Mo deza conn coz Kreol, kifer mo bizin aprann li? Ou'ena rezon: si ou turve ou deza conn langaz la, kitfwa li pa neseser ou aprann li. Seki pa cone ki bizin aprann. Ena buku dimun ki si li ena enn santiman pu exprime, enn mesaz pu pase u enn problem pu raconte; li pa pu kapav fer li parski li pa conn ekrir o...

Sagitarius | 19 May 2012 22:48

Langaz ki Nu Servi Tulezur
Eski Kreol Morisien enn langaz? Buku dimun ankor ena dout lor la. La mazorite mo Kreol sorti dan Franse e kapav panse ki kikenn ki pe coz Kreol se enn dimun ki pe coz Franse mal u se zis kikenn ki pa conn coz Franse. Me kan nu get langaz Franse laplipar mo sorti dan Latin; alor eski kikenn ki coz Franse se zis enn dimun ki pa conn coz Latin? Kreol finn evolie buku depi ki li'nn ne e depi bien lontan li pe devlop san okenn depandans lor Franse. Les nu get enn ku ki dimun ena kont Kreol Morisien:...

Sagitarius | 19 May 2012 22:37

Kot landrwa apel Siwusagar u Raman Osman
Bien ki mo turv extravagan sa koutim ki pe instore, kot aster pe fer enn kantite seremoni lor samadhi Sir Seewoosagur Ramgoolam, kot amenn tu viziter ofisiel etranze depoz fler laba; bien ki mo pa dakor ar sa fason pe efas nom tu lezot dimun dan l'histwar post-indepandans e pe atribiye tu progre ki nu peyi inn fer a zis SSR, mo panse nu ti bizin ena enn landrwa ki port so nom. Bien sir ena enn ti vilaz apel Kewal Nagar me apar bann par laba kisennla cone SSR ti apel Kewal. Ena buku bann landr...

Sagitarius | 20 May 2011 21:22

Got a question?
Click here to ask!

Sagitarius

Top Contributors

view all